Errenteriako Udalak laguntza eskaini dio ustez amonak hildako 10 urteko haurraren familiari. Udal ordezkariek, ohar baten bidez, doluminak eman dizkiete senitarteko eta lagunei. Era berean, familiarekin harremanetan jarri dira «une zail hauetan gertutasuna adierazteko» eta, behar izanez gero udalaren laguntza zerbitzuak erabil ditzatela eskaintzeko.

Espetxeratuta

Bestalde, ustez biloba itotzeagatik atxilotutako emakumea Martuteneko kartzelan sartu zuten astelehen gauean, Donostiako epaitegian deklaratu ostean.

Larunbatean emakumeak berak deitu zion poliziari gertatutakoaren berri emateko. Ustez, amona biloba itotzen saiatu zen, eta haurra hurrengo egunean hil zen.