Euskal Konfederazioak Estatuko hizkuntz gutxituen defentsan diharduten Alsazia, Bretainia, Katalunia, Korsika eta Okzitaniako eragileekin, urriaren 24an bakoitza bere herrialdean mobilizatzeko deia egin zuten, herenegun, Parisen.

Gobernuari berezko hizkuntzen aitortza eskatzea eta, bide batez, Hizkuntza Gutxituen Euroitunaren inguruan egiten ari den «erabilpena» salatzea da manifestazio horien helburua. Egun horretan, Hizkuntzen Berdintasunerako Sare Europarraren barnean dauden elkarteok “Gure hizkuntzentzat estatus bat, gure herrialdeentzat estatus bat” lelopean hainbat mobilizazio egingo dituzte.