“Larrua” gaitzat harturik hainbat idazlek eta musikarik hartuko dute parte aurtengo Literaturian, “Plazer hutsa” lelopean, maiatzaren 19tik 22ra, Zarautzen. Miren Agur Meabek egingo du irekiera hitzaldia; hortik aurrera, hamaika proposamen desberdin. Anne Sextonen poemetan oinarrituta “Ene maite kuttunak” ekitaldia aurkeztuko du Harkaitz Canok, Xabier Payak “Nork hil du Andoni Egaña?” liburuan oinarritutako ikuskizuna estreinatuko du eta Ruper Ordorikak kontzertu intimoa eskainiko du, besteen artean.