Hitz batek beste hizkuntza bateko ahoskera berbera izan dezake, baina esanahi guztiz desberdina. Ideia horri helduta eraiki du Marga Berra Zubieta artistak Donostia 2016rekin elkarlanean osatu duen “In Varietate Concordia” erakusketa. Proiektuak hiztun ezberdinek Donostian egin zen tailer batean du oinarria eta Berrak handik sortutako pieza maiatzaren 12tik irailaren 12ra bitartean ikusi ahalko da, hiriko hainbat tokitan.

Uztailaren 12ra bitartean Groseko Katalunia plazan izango da ikusgai erakusketa osoa, eta haren zati batzuk Intxaurrondoko Sagastieder plazara eta Altzako Harria parkera ere eramango ditu artistak.