Donostiako Principe zinemetan “Zipi eta Zape eta kapitainaren irla” filmaren aurrestreinaldia izango da uztailaren 21ean. Lakuako Zineuskadiren bitartez, Zinemaldiak, EZAE Euskadiko Zine Aretoen Elkarteak eta EITBk indarrak batu dituzte haurrei zuzendutako film hori euskaratzeko.

Aurrestreinaldian filmaren zuzendari Oskar Santos eta Zipi eta Zape protagonistak, hurrenez hurren, Teo Planell eta Toni Gomez izango dira. Hitzordua arratsaldeko 18.30ean izango da. Bertaratu nahi duen orok Hiru3 Komunitatean sartu (www.eitb.eus/eu/hiru3/) eta argibideei jarraitu beharko die. Epea, gaurtik hilaren 20ra bitarte.