Bizkaiko bikote mistoen finala jokatuko da bihar Santurtzin, Bullon auzoan, 13.00etan. Ortuellako Burdin Gazteak arituko da, bi talderekin, Gallara, bi bikoterekin, eta gainerakoak talde ezberdinetako kideak batuta osatutako bikoteak izango dira.

Alde batetik, Kz eta Errekatxoko kide banarekin osatutako bikote bat izango da, eta bestea, berriz,  Kz eta Aldai Aldek kide banarekin osatutako bikotea izango da. Guztira sei bikote lehiatuko dira.

Horrela, harri-zulatzaileen denboraldia amaitzear dago. Taldekako Euskal Herriko finala geratuko da jokatzeko, eta hori Gernikan izango da urriaren amaieran. Abuztuan hasi zen jokatzen, baina ekaitzak bertan behera utzarazi zuen, eta hasieratik jokatu beharko dute.