Iragan den ostiral eta larunbatean Gipuzkoako Herriarteko Bertsolari Txapelketako sei saio jokatu ziren. Alegian, tokiko taldea, 7 Astoren Gainean nagusitu zitzaion Aizkorperi; Azpeitian Erniarraitz 1 taldearentzat izan zen garaipena; Zarautzen Hitza ote Hitza?-k irabazi zuen; Oñatiko saioan Martzeliña talde oiartzuarrak eskuratu zuen garaipena; Anoetan 26+ izan zen garaile eta, azkenik, Astigarragan Tulipanak zarauztarra nagusitu zen.

Asteburu honetan, ostiralean Asteasun, Ereñotzun, Urretxu-Zumarragan, Añorgan, Orion eta Villabonan izango dira saioak, eta, larunbatean, aldiz, Legazpi, Zarautz eta Irunen.