Jose Antonio Egia musikariaren jaiotzaren 100. urteurrena ospatzeko zenbait ekimen antolatu dira eta horien artean, bera jaio zen egunean, martxoaren 14an, Bermeoko Santa Eufemia elizan 19.45ean kontzertu berezia eskainiko zaio. Bestetik, Eresbil Euskal Musikaren Artxibategian zeuden Egiaren 123 musika obra Bermeoko Udalaren artxibora eraman dituzte, euskarri digitalean: «Gure ondarearen parte dira, ezinbestekoa da gure artxiboan izatea», esan du Udalak.