Indarkeria pairatzen duten emakumeei eskainitako parkea inauguratu zuten atzo eguerdian Zalduondon. Estibaliz de Iloa izena jarri diote. «Berak, eskualdeko beste emakume askok bezala, Inkisizioaren jazarpena sufritu zuen eta XVII. mendearen hasieran sorgina izatea leporatu zioten», jakinarazi zuen Udalak. Irailean egindako osoko bilkuran hartutako erabakiaren ostean iritsi da inaugurazioa, eta Iturbero eta Bidezahar auzoen artean dagoen parkea hautatu dute horretarako. Herriko gazteak arduratu ziren plaka jartzeaz eta, segidan, sorginen dantza egin zuten. Herri bazkariak biribildu zuen eguna.