Paueko Auzitegiak zortzi urteko espetxe zigorra ezarri zion, atzo, 32 urteko gizonezko bati, Parisko neska bat bortxatzeagatik. Erasoa 2014ko uztailaren 26ko goizaldean gertatu zen Baionako jaietan. Bere mutil lagunarekin Biarritzen oporretan zegoen gaztea lagun taldetik apartatu zen eta Santespirituko zubi azpian geratu zen lo. Han bortxatu zuen Estatu espainolean bizitzeko baimena zuen gizonak. Espetxe zigorraz gain, lurralde frantsesean egoteko behin betiko debekua ezarri zion auzitegiak.