Estatu mailan obesitate tasa baxuenetakoa duen erkidegoa da EAE; biztanleriaren %14k sufritzen duen gaitza da EINU-T ikerketaren arabera, Gipuzkoa Poliklinikak ohar bidez zabaldu zuenez. Teresa Serrano endokrinologoaren hitzetan, gizonezkoen 11,5%k eta emakumeen 16,5%k sufritzen dute kronikoa den eta epe luzeko sendabidea behar duen gaixotasuna. Pertsona obeso prototipoak 65 urte baino gehiago ditu, baina 50 urte dituzten emakumeen artean tasa handitu egiten da, menopausiaren eraginak tarteko. Pertsona sedentarioak izan ohi dira eta kaloria handiko jakiak atsegin dituzte.