2017ko uztailaren 6an Garbialdik –Osakidetzako garbiketaz arduratzen den enpresak– ESK sindikatuko «delegatu historikoa» kaleratu zuen. Bere momentuan jarrera hau gogor salatu zuen sindikatuak, eta kanporatzearen errudun zuzena Garbialdi eta konplizea Osakidetza izan zela ere seinalatu zuen. Horregatik, abenduaren 20an epaitegietan aurkeztu zuten salaketa eta atzo jasotako epaiak kaleratzea baliogabetzat jotzen du eta delegatua lanean berriro hartzera derrigortzen du Garbialdi. ESK-k Osakidetzari exijitzen dio jazarpen sindikala aurrera eramaten duten enpresak diru publikoaz ez saritzea eta Garbialdi ESI Arabako lizitazio-orrietatik kanpo geratzea.