Kattalin Minerrek irabazi du aurtengo Tene Mujika beka, duela hamar urte bere burua hil zuen gazte transexual baten historia eta kasu hark izandako ondorioak aztertzeko egitasmo batekin. Euskal Herriko historia hurbilaz idazteko ez-fikziozko proiektuak saritzen ditu Debako Udalak eta Elkar argitaletxeak antolaturiko beka honek. Idurre Eskisabelek, Imanol Muruak eta Aitor Zuberogoitiak osatu dute epaimahaia, eta orain urtebeteko epea du Minerrek lana burutzeko, gero liburu gisa argitara dadin.