Etxarri Aranatzek sufrimenduaren mapa aurkeztu zuen atzo prentsa aurrean; herritarrei bereziki horretarako antolatutako batzar batean aurkeztuko diete datorren asteartean, hilaren 30ean, Iñaki Egañaren eskutik.

Ikerketak hiru garai bereizi ditu: 36ko gerra, gerraostea eta 1966tik gaurdaino. Eneka Maiz alkateak adierazi zuenez, lehen hurbilketa izan da bildutakoa eta, hala, osatu eta garatu egin beharko da. Ekarpenak egiteko deia zabaldu diete bizilagunei, baita eragileei ere «iragana aztertuta» elkarbizitzarako espazioak sortzea baita asmoetako bat; herri txikia izan arren, asko sufritu baita, adierazi zutenez.