Beñat Sarasolak eta Belen Altunak abiatuko dute bihar foruma “Kresala: literatura-begirada bat hitzaurretik abiatuta” eta “Erlijioa eta ideologiaren aparra Kresalan” hitzaldiekin. Etzi, asteartez, Bernardo Atxaga izango da eguneko gonbidatu nagusia “Literaturaren eskuak” izenburudun solasaldiarekin. Azken egunean, otsailaren 7an, Leire Bilbao, Miren Agur Meabe eta Ane Urkizak “Kresalaren sundan” hitzaldia emango dute. Solasaldi guztiak 19.00etan hasiko dira.