Almitza Elkartearen Ligarekin batera abiatuko da aurten ere segalarien denboraldia. Hortik aurrera, federazio ezberdinek antolatzen dituztenak batzen joango dira eta hemendik abuztura bitartean jokatuko dira ia denak.

Almitza Elkarteak antolatzen duen lehiaketa honek hiru jardunaldi izango ditu, eta hilean bat jokatuko dute. Aurrenekoa gaur izango da Etxalekun, Nafarroan, eta 17.00etan hasiko da. Bertan bai emakumezkoak bai gizonezkoak lehiatuko dira, baita gaztetxoak ere. Neskek 7x5eko saila moztuko dute eta mutilek, 10x10ekoa.