«Gure seme-alaben izena bilatzeko momentua polita da, baina buruhauste galantak sortzen ditu». Premisa horretatik abiatuta eta lan horretan laguntzeko asmoz, euskal izenen aplikazio bat sortu berri dute Gasteizko bi lagunek, Arabyte izenarekin. Google Play plataforman dago eskuragarri, debaldekoa da, eta euskal izenen esanahi, datu eta estatistikak biltzen ditu: «Gizon eta emakumeen euskal izenak Euskaltzaindiaren arabera, esanahi edo jatorria euskaraz eta gazteleraz, izena dutenen kopurua eta batez besteko adina, erabilienen artean duen postua, izenaren bilakaera lurralde historiko bakoitzeko...».