Lekeition jokatuko da bihar Bizkaiko Bertsolari Txapelketako azken finalaurrekoa eta haren ostean jakingo da zeintzuk izango diren abenduaren 15ean Bilbon jokatuko den finalean parte hartuko duten bertsolariak.

Lekeitioko saioan Ander Elortegi, Arrate Illaro, Etxahun Lekue, Ibon Ajuriagogeaskoa, Jone Uria eta Txaber Altube ariko dira buruz buru, 17.00etatik aurrera Santi Brouard kiroldegian. Saioan puntu gehien batzen dituena zuzenean sailkatuko da finalera, eta besteek puntuazioaren arabera edukiko dute horretarako aukera.

Zuzenean sailkatu dira jada Miren Amuriza eta Nerea Ibarzabal, euren saioetan irabazita.