Andres OSA «SAKONA»
Aizkora

Nafarroako bost finalistak, erabakita

Igandean jokatu zen Uharteko Jai Alai pilotalekuan Nafarroako lehen mailako aizkora kanporaketa. Bederatzi aizkolarik hartu zuten parte eta pilotalekua bete egin zen. Egin beharreko lana: bi kana-erdiko, bi 60 ontzako eta oinbiko bat ebakitzea. Aurrena amaitu zuena Iker Vicente izan zen 14 minutu eta 51 segundoko denborarekin. Bigarren Jon Rekondo izan zen (15:46); hirugarren, Ruben Saralegi (16:08); laugarren, Juan Jose Lopez (16:26) eta bosgarren, Joxean Etxeberria (17:08). Bost horiek Doneztebeko finalean izango dira azaroaren 15ean. Kanpoan geratu ziren Iban Resano (17:15), Oier Kañamares (17:48), Eneko Saralegi (18:38) eta Asier Pellejero (20:55).