Girizia elkarteak Euskal Herriko XVI. Pala Txapelketa irekia antolatuko du 2020an ere, Oiartzungo Udalaren babesarekin. Aurtengoa, Girizia elkarteak jarraian antolatzen duen 37. edizioa izango da eta azken urte hauetan bezala, elkarteko pilotaria izan zen Josetxo Gamioren oroimenez antolatuko da. Txapelketaren mailari dagokionez, gizonezkoentzat hiru maila (1, 2 eta 3) egongo dira eta emakumezkoentzat bi (gazte maila eta helduen maila).

Bikoteek izena emateko epea abenduaren 31ra arte egongo da zabalik eta esait@euskalnet.net helbide elektronikora idatziz edota telefono zenbaki honetara (656 71 12 75) deituta egin daiteke. Partidak Oiartzungo Madalensoro pilotalekuan jokatuko dira larunbat goiz eta arratsaldetan eta igande eta jaiegunetan goiz partean.

Xisterako finalak

Xistera Zirkuituko finalak larunbatean jokatuko dira Markina-Xemeinen: Aldazabal-Calvo/Merino Lizardi (nesketan) Ibañez-Olazagazti/Vidal-Mugartegi (mutilen 2. mailan) eta Antxon-Goixerri/Gonzalez-Manci (1. mailan).