PSOEk legez besteko proposamen bat atera zuen atzo aurrera espainiar Kongresuan, alderdiek «bizikidetza demokratikoaren alde eta ultraeskuinak sortutako gorroto ideologikoaren aurka» duten konpromisoan sakontzea xede duena. Proposamenak ERC, EH Bildu, JxCat, CUP eta BNG alderdien abstentzioarekin egin zuen aurrera. Alderdiok proposamena «motz» ikusten dutelako abstenitu ziren; izan ere, salatu zutenez, ekimenak ez ditu beraien aurkako «erasoak eta harengak» aintzat hartzen.

Alderdi subiranistek «pauso bat gehiago» egitea eskatu zioten PSOEri, uste baitute proposamena ez dela nahikoa gorroto ideologiko «mota guztiak» saihesteko. ERCko Gabriel Rufianek «faxismoaren aurkako legeak egitea» exijitu zion PSOEri.