Itzurun hondartzan euskal presoak eta iheslariak etxera ekartzea eta dispertsio politikarekin amaitzea eskatzeko argazki erraldoia egin zuten atzo zumaiarrek. 250 pertsona batzeko erronka jarri zuen antolakuntzak aurreko egunetan, eta 300 inguru izan ziren azkenean, gehienak presoak etxeratzearen aldeko banderolak eskuetan. Argazkia ez ezik, bi pankarta erraldoi ere jarri zituzten hondartza atzeko murruan. Bata, aurtengo lemarekin, “Bidea gara. Bidean gaude”; bestea, klasiko bat: “Preso eta iheslariak etxera”.

Gorka RUBIO | FOKU