Astebururako aurreikuspen meteorologikoa ikusirik, egungo baldintzetan mendi irteerek dituzten arriskuez ohartarazi dute Nafarroako suhiltzaileek. Elurrak eta izotzak ia erabat estaltzen dituzte nafar Pirinioetako mendiak, eta, aurreko asteburuan, lau interbentzio egin behar izan zituzten suhiltzaileek baldintza klimatologiko zailetan. My112 aplikazioa deskargatzea eta deiak GPS bidez geolokalizatzea aholkatu dute.