Ezaguna da oso Normandiako Pointe du Hoc itsas muinoa; bisitari mordoa erakartzen ditu, batik bat Bigarren Mundu Gerrako arrasto franko daudelako. Izan ere, 1944ko ekainaren 6tik 8ra bitartean AEBetako zenbait «ranger» konpainiak eta Armada naziak borroka gogorrak izan zituzten bertan. Egunotan turistek ezusteko ikuspegiarekin egiten dute topo han: itsas muinoaren muturreko haitz bereizgarriaren erdia hautsi eta erori egin da.

Argazkia: Sameer AL-DOUMY | AFP