Guztira 78.139 hautagaik, gehienak emakumeak (% 68,2), izango dute urrian eta azaroan esleituko diren Osakidetzako 2018-2019ko lan eskaintza publikoko bigarren faseko 1.924 plazetako bat lortzeko aukera. Hautagai gehien zeladore posturako aurkeztu dira (20.633). Ondoren, administrari laguntzaile posturako aurkeztu dira hautagai gehien (17.158) eta, hirugarrenik, erizaintzako laguntzaile (14.612) posturako.

Udazkenean egingo den bigarren fasearen aurretik, lehen faseko azterketak egingo dira, ekainaren 18an eta 19an Gasteizen eta uztailaren 2an eta 3an Barakaldoko BECen. Horietan 38.654 lagunek parte hartuko dute eskainitako 1.610 plazetako bat lortzeko.