Antigua eta Barbuda osatzen duten uharteak 1981ean bereizi ziren Erresuma Batutik, baina Charles III.a erregea dute estatuburu. Hango lehen ministro Gaston Brownek atzo iragarri zuenez, hurrrengo hiru urteetan erreferenduma deituko du Estatuan, bertako herritarrek britainiar koroari lotuta jarraitu nahi duten ala errepublika batean bizi nahi duten erabaki dezaten. Esan zuenez, erreferendumera deitzea «independentzia osatzeko azken urratsa da, benetan nazio burujabea izan gaitezen bermatzeko urratsa».