2022an Suitzako Alpeetako glaziarrek izotzaren %6 galdu dute. Inoizko galerarik handiena da; izan ere, aurreko errekorra, 2003koa, %2 baino gehiagokoa izan zen. Suitzako Zientzia Naturalen Akademiaren urteko txostenaren arabera, neguan elur gutxi egin izanak eta udako bero olatuek atzerakada handi hau eragin dute. 3.000 metrotik behera kokatutako glaziar txikiek jasan dute kalterik handiena, batzuk ia desagertzeraino. Suitzak azken ehun urteotan bostehun glaziar baino gehiago galdu ditu. Ez dira, zoritxarrez, azkenak izango.