1933tik frankismoaren amaierara arte indarrean egon zen "Ley de Vagos y Maleantes" delakoak, besteak beste, homosexualak, ijitoak, eskaleak eta prostitutak jazarri zituen. Arabako Foru Aldundiak lege horretan oinarrituta Gasteizko Lurralde Espetxean eta Langraiz Okako Espetxe Kolonian 1959 eta 1977 artean preso sartutako pertsonen fitxa guztiak batu ditu, 5.645 fitxa denera, eta erakusketa bat antolatu du. Frankismoak jazarritako sektore ikusezinenak plazara ekartzeko memoria ekimen interesgarria eta beharrezkoa.