Osasunbidean sua piztu zuen txinparta izan zen Medikuen Sindikatuaren greba. Nafarroako osasun sistema publikoaren egoera kalera ateratzeko modukoa da, baina, arazoari ikuspegi integral batetik heldu beharrean, medikuen eta erizainen sindikatu korporatiboak nor bere borroka sektorialak garatzen ari dira. Nafarroako Gobernuak, bere aldetik, ez du ahalegin txikiena egin Osasunbideak dituen arazoei aurre egin eta osasun langileen beharrei erantzungo dien plan integral bat proposatzeko. Are, interes orokorretik urruntzen den korporatibismoa elikatzen ari da.