Zerga-salbuespenei esker, legegintzaldi honetan Eliza katolikoak ez du 2,1 milioi euro ordaindu beharrik izan udal zergetan Gasteizen. Vatikanoaren eta Estatu espainiarraren arteko konkordatuari esker, Eliza katolikoa udal-zergak ordaintzetik salbuetsita dago, baita bere ondare higiezinetan jarduera ekonomikoak burutzen direnean ere. Espainiar Estatuak, gainera, immatrikulazioen bidez herri ondareak espoliatzea baimendu zion. Eliza katolikoak gaur egun mantentzen dituen pribilegioak erabat bateraezinak dira Estatu laikoa izatearekin.