Airean doa bizitza; pausaldirako tarterik ez digu uzten egunerokoak -edo aitzakia hori baliatzen dugu-. Hara eta hona, han eta hemen; leku guztietan eta inon ez. Monte-Carloko 1 Formulako zirkuituak xarma berezia du, hiriaren barnetik igarotzen baitira autoak, ziztu bizian. Hiriaren eguneroko abiadura ere pausatu egiten da une batez, autoen burrunbak harrapatuta. Max Verstappen irabazlearen autoa, 200 km/h-ko abiaduran, mikrosegundo batez geratzeko gaitasuna izan badu argazkilariak, zergatik ez dugu guk horretarako astirik topatzen?