Txori basatiak haztea erro sakoneko praktika kulturala da, milurtekoetan atzera doana. Azken mendeetako joera da kaiolatutako txori arrak kantuan elkarren aurka lehiatzen jartzea. Okasiorako urteetan prestatuta, bi hankako epaile lumabakoek hegaztien kanten melodia, tonua, argitasuna, erresistentzia, modulazioa eta bolumena puntuatuko dituzte. Thailandiako Narathiwaten egiten da lehiaketa ezagunena, 2.000 txori elkarri mokoka kantuz jarrita. Kronikek diotenez, meditaziotik gehiago omen du kirol lehiakorretik baino.