Iruñea eta Burlata lotzen dituen Belosoko aldapan bidegorria egiteko 350 zuhaitz bota nahi zituen Udalak. Horrek Europako funtsak jasotzeko baldintzak urra ditzakeela ikusita, proiektua eten egin dute, erantzun argi bat jaso arte. Argazkian ikusten diren autoentzako lau erreiak, ordea, bere horretan uzten zituen proiektuak. Beraz, irtenbide erraza du Cristina Ibarrolaren taldeak: zuhaitzik bota gabe bidegorria eraikitzeko eta, bide batez, XXI. mendeko hirigintzarekin bat egiteko, autoei errei bat kendu eta bizikletei ematearekin aski du.