Bilboko Santana 27 kontzertu guneko Blue aretoa dantzan jarri zuten atzo EH Sukarra musika taldeko kideek, euren bira amaierako kontzertuan. Espero bezala, 35 urteko ibilbide oparoan kaleratu dituzten zortzi diskoetako kantu ezagun eta mamitsuenen errepasoa eskaini zuen Mikel Gorosabel ‘‘Norton’’-ek gidatutako taldeak Bilboko eszenatokian. GARAk eta NAIZek ere ez zuten hitzordua galdu nahi izan: hard-rock talde eibartarrak emandako kontzertuaren xehetasun guztiak naiz.eus webgunean dituzue irakurgai, Iker Gurrutxagaren kronikan.