Ohar baten bitartez, ELA, Steilas, CCOO, LAB eta UGT sindikatuek hamar greba egun gehiago egitera deitu dituzte Araba, Bizkai eta Gipuzkoako gizarte ekimeneko ikastetxeak. Urtarrilaren 17, 18, 23, 24 eta 25ean eta otsailaren 6, 7, 8, 19 eta 20an izango dira lanuzte egunak.

Greba hauen helburua 2021eko abendutik iraungita dagoen lan hitzarmena berritzea da. Sindikatu deitzaileek nabarmendu dute «onartezina» dela, abenduko bost greba egunen jarraipen zabalaren ondoren, «mahairik deitu gabe eta proposamenik egin gabe jarraitzea Kristau Eskola eta AICE-IZEA patronal nagusiek».

Sindikatuek «adostasunetara iristeko borondatea eta prestutasuna» dutela adierazi eta patronalei eskatu diete «arduraz jokatzeko eta lan hitzarmena berritzea ahalbidetuko duten edukiak eta proposamenak egiteko».