Elurra bezain zuria. Horrelakoa da Antartikan ikusi berri duten papua pinguinoaren ale berezia, ohiko bi koloreko lumajerik gabea. Leuzismo kasu bat da; hau da, gene errezesibo batek eragindako bitxikeria genetikoa, zeinak ilea kolorerik gabea izatea eragiten duen. Antartikako Gabriel Gonzalez Videla basean zegoen Txileko Armadako taldeak eman du kasuaren berri. Pygoscelis papua espeziekoek buruan eta bizkarrean kolore beltza izaten dute, sabelean zuria eta begietan ukitu zuriak. Hegazti berezi honek lumaje zurixka eta tonu gorrixkako mokoa eta hegalak ditu.