Lokatzetan eratutako ibilbide zailduetan ez dago Mathieu Van der Poel geldituko duenik. Maisua da, elegantea, basatzaren zikintasunean ere. 30 urte bete berritan, aurkariak aukera gabe utzi ditu. Aurtengo denboraldiak faltan bota du Van Aert eta Van der Poelen arteko lehia estua. Emozioa falta izan zaio, baina Alpecinekoaren maisulan bakoitza txalotu besterik ezin daiteke egin. Atzo, aurka egingo zionik gabe, seigarren aldiz irabazi zuen Munduko txapelketa, azken hamarkadan lokatzetako erregea dela berretsiz. Erik De Vlaeminck-en marka berdintzeko urrats batera dago.