Gaurko egunarekin, otsailaren 10arekin, abiatu da Urteberri txinatarra, herrialdeko ospakizun handiena -eta urtean jende gehien mugitzen duena, milioika baitira beren jaioterrietara itzultzen direnak senideekin elkartzera, arbasoak gogoratzera eta urte berriari ongietorria egitera-. Astebete irauten du ospakizunak. 2024 hau herensugearen urtea da, Txinako horoskopoko 12 animalietako bat... eta gurtuenetakoa: boterearen, oparotasunaren eta zorte onaren ikur baita. Untxiari hartu dio lekukoa eta 2025ean sugeari emango dio.