Zergak ordaindu ondoren, Laboral Kutxak 222,7 milioiko irabazi bateratuarekin itxi du 2023a -kooperatibaren gizarte-ekintzako funtsak bideratu aurretik-, aurreko urtean baino %47,99 gehiago.

Horrek, aldi berean, baliabide propioen gaineko errentagarritasuna (ROE) %10,78ra igo du.

Laboral Kutxak azpimarratu du aurten ere bere merkatuko erakunderik kaudimendunena izaten jarraitzen duela, %23,85eko CET1 kapital ratioarekin. Bestalde, hipoteka maileguen bolumen formalizatua %37,4 handitu da, eta enpresetara bideratutako maileguena, %6,8.

Emaitza horiek bere posizio «sendoa» berresten dutela nabarmendu dute.

Epe finkoko gordailuen bolumena %130 hazi da; inbertsio funtsen ondarea, berriz, %35,73, eta aurreikuspen erakundeena eta pentsio planena, %9,10.