Lehen Lilatoia 1990ean egin zen, 160 parte hartzailerekin. Iaz 6.007 emakumek korritu zuten. Emakumeak kirolaren bitartez ahalduntzeko sortu zen, «edozein erronka gainditzeko dugun gaitasunaren eta determinazioaren etengabeko oroigarri». Gorpuzten joan da urtez urte, eta aurten beste erregistro bat hautsi du, inoizko azkarren bukatu baitira dortsalak. Gainera, dortsal bakoitzeko euro bat Zaporeak elkarteari emango zaio, aldarrikapena eta elkartasuna eskua emanda doazelako. Igandean Lilatoiak beste hitzordu bat dauka, 34.a.