Ostia kolektiboko lau kide auzipetu zituzten atzo arratsaldean, Baionako auzitegian, laborantza lurren defentsarako egindako ekintza baten ondorioz. Kanboko Marieniako lurren «artifizializazioa» salatzeko, 2022an Bouygues agentziaren bulegoetan sartu eta lurra zein lastoa bota zuten bertan. Filipe Laskarai, Jeanine Beyrie, Jakes Bortayrou eta Dominika Daguerre sareko kideak 2023ko azaroan atxilotu zituzten. Akusazioak zein fiskalak isunak eskatu dituzte. «Deliberoa dena delakoa dela, guk gure borroka segituko dugu», adierazi zuten.