Tanttaka konpainiaren “Sexberdinak” obrak jaso du aurten Donostiako Antzerki Saria. Maitasuna, autoestimua, konplexuak... ugariak dira landutako gaiak.

Mireia Gabilondoren gidaritzapean, Telmo Irureta eta Aitziber Garmendia aktoreak ditu protagonista. Garun-paralisia duen kazetariak eta kontraesanetan erdi itota dabilen goxoki-saltzaileak euren bizipen afektibo sexualen berri ematen diote publikoari, batere konplexurik gabe. Bi lagunen istorioak umorez estalitako orbainak bistaratuko ditu. Eta nork bereei erreparatzera gonbidatuko, besaulkian dauden ikusleak.