Bakaikuko Udalak Udalerri Euskaldunen Mankomunitateko kide izateko eskaera onartu zuen atzo arratsaldean egindako osoko bilkuran, martxoan Lakuntzako eta Zegamako udalek egin bezala. Maiatzaren 18an eginen du UEMAk Batzar Nagusia, Lesakan, Udalerri Euskaldunen Egunarekin bat eginez, eta hortik aurrera izanen dira mankomunitateko kide. Guztien artean 345.500 biztanleko lurgune euskalduna osatuko dute. Bakaikuren kasuan, biztanleen %71,25 dira euskaldunak eta Udalaren helburua kaleko erabileran eragitea da.