Eguzki kolektibo ekologistak Donostiako Udalari eskatu dio, Kultura ministro espainiarrak irekitako bideari jarraituz, Illunbeko «faenarik» onena saritzeari uzteko. Honekin batera, gogoratu du 2017an inkesta batek erakutsi zuela hiritarren %71 zezenak hiltzeko udal instalazioak uztearen kontra zegoela. Keinua sinbolikoa litzateke, baina ez da gutxietsi behar, azken egunotan ikusi ahal izan dugun bezala, keinu sinboliko batek garrantzi politikoa eduki dezakeelako eta erabaki berriei atea irekitzeko giroa sor dezakeelako.