Queremos Galego plataformak deituta, “Galego vivo. Galiza viva” lelopean, milaka galiziar bildu ziren atzo galizieraren aldeko manifestazioan. «Emergentzia linguistikoa da; espazio guztietan presente egotea eta erabilera posible izatea eskatzen dugu», adierazi zion GARAri Marcos Maceirak, A Mesa Pola Normalización erakundeko presidenteak. Estatuko hizkuntza minorizatuek, salbuespenik gabe, egoera zaila bizi dute, sustapen politika eraginkorren faltaren, eta, batzuetan, politika glotofoboen ondorioz.