Badaude kirol minoritario eta minorizatuak, eta badaude exijentzia altua izateagatik are minorizatuagoak direnak. Olinpiar Jokoak gerturatzen diren aldiro arreta bereganatzen dute, nazioarteko txapelketak tarteko, irudi ikusgarriak iristen direlako. Sofia Raffaelli italiarraren irudi hau da horren erakuslea. Gorputzaren erabateko kontrolak, malgutasun miresgarriak eta baloiarekiko lotura samurrak lilura eragiten dute, zailtasunarengatik eta dotoreziarengatik. Urrea irabazi du Rafaellik, eta Salma Solaun arabarrak hiru domina eskuratu ditu taldeka.