Jupiterren Orban Gorri Handia Eguzki Sistemako objektuen artean ikono hedatuena izan daiteke; bere tamaina handiari eta bere kolore gorrixkak planetako hodei zurbilekin duen kontrasteari esker, erraz ikus baitaiteke. EHUk eta Kataluniako unibertsitateak egindako ikerketa baten arabera, gutxienez 190 urte ditu. Eta orain arteko bere sorrera ezezagunaren inguruan bi hipotesi plazaratu dituzte: «Superekaitz erraldoi baten erupzioa edo haizearen zizailak sortutako zurrunbilo txikiago askoren fusioa».