Ostiral gauean, bi emakumek sexu-erasoen biktima izan zirela adierazi zieten segurtasun-zerbitzuei, Baionako jaiez gozatzen ari zirela. Prefeturak atxiloketa baten berri eman zuen.

Larrialdietako zerbitzuek sexu-erasoa jasan zutela salatu zuten bi emakume hartu zituzten.

Pirinio Atlantikoetako Prefeturak gaueko balantzean jakinarazi zuenez, pertsona bat atxilotuta dago indarkeria matxistako gertakari batekin lotuta.

Jaien lehen zatian, ostegunean, prefeturak adierazi zuen zerbitzu medikoek emakume bat artatu zutela, eta Fiskaltzak ofiziozko ikerketa bat abiarazi zuela. Ez dago jasota gertakari horiengatik salaketa batek aurrera egin duenik.

Itaia mugimendu feministak hainbat eraso jaso ditu jai-barrutian ezarri duen babes-eremuan, baina ez dira parte ofizialetan agertzen.

Ostiralera arte, taldeak bost sexu-eraso kasu zenbatu zituen. Salatzeko, elkarretaratzera deitu du gaur 11.00etan merkatu plazan.