Asteazken goizean, Polizia frantsesak Paris iparraldean 230 pertsona migratzaileren bi kanpaleku desegin zituen. Zenbait elkartek salatu dutenaren arabera, Olinpiar Jokoak hurbildu ahala halako ekintzak ugaritzen ari dira hiriburuan. Agintariek ukatu egin dute Jokoekin zerikusia dutela, baina elkarteek adierazi dute, bat-batean, hiriburutik urrun dauden aterpetxeetarako sarbidea askoz errazagoa bilakatu dela. Ondorioa garbia da: pobreek ezin dute Pariseko erakusleihoa zikindu.