Guatemala, El Salvador eta Hondurasko jatorrizko herriek erresistentziaren 500 urteak ospatu zituzten aurreko larunbatean Tecpanen (Guatemala). Lehenengo espedizio espainola 1524an iritsi zen bertara, eta hurrengo urte eta hamarkadetan konkistatzaileek herri haien mundua suntsitu zuten. Antolatzaileek Tecpango Udalaren kontra egin zuten, espainiarren etorrera ospatzeko ekimen ezberdinak antolatu baititu. Arrazoi osoz adierazi zuten: «Arrazismoa, diskriminazioa, genozidioa eta sarraski handiak ez dira ospatzen».